Mae meteorolegwyr yn cadw llygad manwl ar drywydd Corwynt Earl, wrth i Arlywydd Obama ddatgan stad o argyfwng yn nhalaith Gogledd Carolina heddiw.
Mae’r corwynt yn agosáu at arfordir dwyrain yr Unol Daleithiau, ac os bydd yn parhau ar y trywydd yma, gallai achosi trafferthion difrifol yn y dalaith.
Roedd llywodraethwyr taleithiau Virginia a Maryland wedi datgan cyflwr o argyfwng yn ogystal.
Peryg
Mae’r storm wedi cael ei disgrifio fel un categori pedwar, sy’n golygu bod gwyntoedd wedi cyrraedd cyflwymder o 145 milltir yr awr.
Mae rhybudd y gallai stormydd trofannol daro arfordir Long Island yn Efrog Newydd yn ogystal, ac y gallai corwynt effeithio ar Massachusetts.
Mae miloedd o ymwelwyr a phreswylwyr eisoes wedi gadael ynysoedd Hatteras a Ocracoke yng ngogledd Carloina, yn sgil y peryg.
