Dechrau cymysg sydd wedi bod i’r Eisteddfod Genedlaethol o ran maint y dyrfa.
Y cyngerdd nos Wener, gyda chôr Men Aloud, oedd un o’r mwya’ llwyddiannus eto, gyda chynulleidfa o 3136. Dim ond yn Abertawe yn 2006 y cafwyd cynulleidfa fwy.
Ond roedd y dyrfa ar y Maes ddydd Sadwrn yn fwy siomedig, gydag ychydig tros 14,700 yn dod i’r Maes. Dyna’r isa’ ar y diwrnod cynta’ ers Tyddewi yn 2002.
O edrych ar y cyfansymiau ers y flwyddyn honno, mae’r Eisteddfod eleni tua chanol y rhestr, ond mae yna batrwm o gynulleidfaoedd llai mewn ardaloedd sy’n cael eu gweld yn fwy anghysbell.
