Dyn o’r Wyddgrug yn cyfaddef lladd

Mae dau ddyn o’r Wyddgrug wedi ymddangos gerbron Llys y Goron Caernarfon bore heddiw ac mae un ohonynt wedi cyfaddef iddo ladd dyn.

Plediodd Gafyn Denman, 22 oed, yn euog o ddynladdiad Peter Jones, 24 oed, o Fwcle.

Cyfaddefodd Ross Taylor, 22 oed, iddo achosi niwed corfforol i dad y dyn gafodd ei ladd, Peter Jones Snr.

Fe fu farw Peter Jones ar ôl ymosodiad arno ar 9 Mai. Gwadodd Gafyn Denman ei fod o wedi ymosod ar Peter Jones Snr, ond fe fydd y cyhuddiad yn aros ar y ffeil.

Roedd Peter Jones ar noson allan gyda Peter Jones Snr pan ddigwyddodd yr ymosodiad.

Bydd y ddau yn cael eu dedfrydu ar 27 Awst yn Llys y Goron Caernarfon.

Poblogaidd

Swyddi

Tinopolis

Asesydd Allanol – Iechyd a Gofal Cymdeithasol CC (Cymraeg yn Ddymunol)

Prifysgol Bangor

← Stori flaenorol

Criced

Buddugoliaeth i’r Bears

Siom i Forgannwg yn y Vitality Blast yng Nghaerdydd

Stori nesaf →

Archif

Llifogydd difrifol yn China

Degau o bobol ar goll ar ôl dyddiau o lifogydd

Hefyd →

Archif

Dream Alliance yn ôl yng Nghas-gwent

Fe fydd enillydd diwethaf Grand National Cymru yn dychwelyd i faes ei gamp enwog fory i geisio ail-adrodd hanes.

Mae’r trefnwyr yn hyderus y bydd ras fwya’ Cymru yn mynd yn ei blaen ar yr ail gynnig, er gwaetha’ ychydig ofnau am y tywydd y bore yma.

Fe ennillodd Dream Alliance Grand National Cymru yn 2009 lai na dwy flynedd ar ôl dod yn agos at gael ei roi i lawr.

Torri tennyn

Fe dorrodd dennyn yn y Grand National yn Aintree yn 2008 a dim ond triniaeth bôn gelloedd a lwyddodd i’w achub.

Ond roedd criw o 23 o bobol leol yng Nghefn Fforest ger y Coed Duon, sy’n berchnogion ar Dream Alliance, wedi talu £20,000 am lawdriniaeth flaengar i achub ei yrfa.

Er iddo ennill yng Nghas-gwent yn 2009 mae’r ceffyl wedi cael trafferth cynnal ei lwyddiant ac mae wedi methu â gorffen ei dair ras ddiweddaraf.

Bwcis

Mae ei berfformiadau diweddar yn cael eu hadlewyrchu yn ei bris betio gyda nifer o’r bwcis yn ei osod ar 14/1.

Bu’n rhaid gohirio Grand National Cymru 2010 o’r dyddiad gwreiddiol ar 27 Rhagfyr oherwydd y tywydd gaeafol.

Fe fydd Personoliaeth Chwaraeon y Flwyddyn y BBC, Tony McCoy, yn cystadlu ar gefn y ffefryn Synchronised.

Llun: Y ffefryn – A.P. ‘Tony’ McCoy (pbase CCA 3.0)

Dyn o’r Wyddgrug yn cyfaddef lladd

Dedfrydu Gafyn Denman o’r Wyddgrug ym mis Awst

Poblogaidd

Swyddi

Ymchwilydd

Hwylusydd Prosiect

Asesydd Allanol – Iechyd a Gofal Cymdeithasol CC (Cymraeg yn Ddymunol)

Is-ddatblygwr Meddalwedd