Mae Abertawe wedi cymryd yr ymsodwr Jhon van Beukering ar dreial am wythnos wrth i reolwr newydd y clwb, Brendan Rodgers ddechrau paratoi ar gyfer y tymor newydd.
Mae’r Iseldirwr wedi ymuno gyda’r garfan heddiw ar gyfer sesiwn ymarfer cyntaf y rheolwr newydd wrth y llyw.
Mae van Beukering heb glwb ar ôl cael ei ryddhau gan NEC Nijmegen ar ôl sgorio 15 gôl mewn 47 gêm yn ystod tair blynedd gyda’r clwb.
Nodiadau gyrfa
Fe gychwynnodd gyrfa Jhon van Beukering gyda Vitesse Arnhem cyn symud i De Graafschap yn 2004, lle sgoriodd 49 gôl mewn 92 gêm.
Fe ymunodd gyda NEC Nijmegen yn 2007, cyn dychwelyd ar fenthyg i De Graafschap y tymor diwetha’.
Fe allai Jhon van Beukering gael ei gynnwys yng ngharfan yr Elyrch i wynebu Llanelli mewn gêm gyfeillgar nos yfory.
