Dylid cyhoeddi enwau’r rhai sy’n ennill y cyflogau mwyaf yn y BBC meddai Cadeirydd Ymddiriedolaeth y gorfforaeth.
Dywed Syr Michael Lyons y dylid dangos fod bob punt y mae’r BBC yn ei gymryd gan bobl sy’n talu ffi trwydded yn cael ei wario yn dda.
Un o enillwyr cyflog mwyaf y BBC yw’r cyflwynydd Jonathan Ross ac ymhlith yr enwau eraill amlwg mae Jeremy Paxman, Fiona Bruce, Chris Moyles, Syr Terry Wogan a Jeremy Clarkson.
Cyflogau uwch reolwyr
Yn ôl y ffigyrau diweddaraf a gafodd eu cyhoeddi’n gynharach yn y flwyddyn, mae’r BBC yn gwario £54miliwn ar sêr bob blwyddyn.
“Ni ddylai talent ddod ar unrhyw gost,” meddai Cadeirydd yr Ymddiriedolaeth.
Dywed Syr Michael Lyons hefyd y dylai adran weithredol y BBC gyhoeddi manylion holl uwch reolwyr y gwasanaeth cyhoeddus yn ddieithriad.
Mae’n dweud fod angen torri cyflogau’r sêr a chwtogi cyflogau er mwyn dangos nad .
ydy’r BBC ‘ar wahân’ o safbwynt sefyllfa economaidd y wlad.
LLUN: Arian papur
