Mae rheolwr Wrecsam, Dean Saunders wedi arwyddo dau ymosodwr newydd wrth iddo baratoi ar gyfer y tymor newydd.
Mae cyn chwaraewr y Dreigiau, Andy Morrell ynghyd ag ymosodwr Dinas Efrog, Kevin Gall wedi arwyddo gyda chlwb y Cae Ras.
Fe chwaraeodd Morrell i Wrecsam rhwng 1998 a 2003 gan sgorio 41 gôl i’r Dreigiau.
Aeth yn ei flaen i chwarae i Coventry a Blackpool cyn ymuno gyda Bury. Fe wrthododd gytundeb blwyddyn gyda Bury cyn arwyddo cytundeb dwy flynedd gyda Wrecsam.
Fe gychwynnodd Kevin Gall, a gafodd ei eni ym Merthyr Tudful, ei yrfa yn nhîm ieuenctid Newcastle cyn chwarae i Bristol Rovers, Tref Yeovil, Carlisle Utd a Darlington cyn ymuno gyda Dinas Efrog.
Cynrychiolodd Kevin Gall dîm dan 21 Cymru rhwng 2002 a 2004.
