Siomedig oedd dechrau Pencampwriaeth Agored yr Unol Daleithiau yn Florida i’r golffiwr o Ben-y-bont, Rhys Davies.
Fe orffennodd y Cymro saith ergyd yn waeth na’r safon wedi rownd agoriadol o 78 yn Pebble Beach.
Ildiodd Davies ergyd ar wyth o dyllau’r cwrs gydag un byrdi ar y pedwerydd twll.
Mae tasg anodd iawn o flaen Rhys Davies os ydi o am sicrhau ei le yn nwy rownd olaf y gystadleuaeth. Mae o ar ei hôl hi o naw ergyd i’r chwaraewyr sydd ar frig y tabl.
Mae’r Sais Paul Casey ynghyd a Shaun Micheel o’r Unol Daleithiau a Brendon de Jonge o Zimbabwe yn arwain y ffordd ar frig y tabl, dwy ergyd yn well ‘na’r safon.
Mae Tiger Woods tair ergyd yn waeth na’r safon tra bod Phil Mickelson pedair ergyd tu ôl i’r safon.
