Dihangfa wyrthiol i ddau mewn car

Mae dyn a menyw wedi cael dihangfa ryfeddol ar ôl i’w car adael y ffordd a disgyn tua 280 troedfedd i lawr ceunant ym Mhowys.

Roedd y car BMW Z3 yn teithio ar y ffordd rhwng Machynlleth a Llanidloes ger Dylife, pan wyrodd ar draws y ffordd gan daro’r ymyl.

Fe ddymchwelodd y car a tharo cerbyd arall a oedd wedi parcio yno, cyn plymio i lawr y ceunant, gan daro sawl coeden ar y ffordd.

Fe laniodd yn y diwedd ar ei olwynion mewn pwll dŵr bychan tu chwe throedfedd o ddyfnder. Yn ôl achubwyr, roedd hi’n rhyfeddol bod y car wedi glanio yno yn hytrach na tharo’r creigiau oedd o’i gwmpas.

Cafodd y ddau yn y car eu cludo i Ysbyty Bangor mewn hofrennydd ar ôl cael mân anafiadau sy’n cynnwys torri pont yr ysgwydd a briwiau.

Llun: Ardal Dylife (badgernetCCA3.0)

Poblogaidd

Swyddi

Tinopolis

Ymchwilydd

YTC 4 Llan CLT

Hwylusydd Prosiect

City And Guilds

Asesydd Allanol – Iechyd a Gofal Cymdeithasol CC (Cymraeg yn Ddymunol)

Prifysgol Bangor

Is-ddatblygwr Meddalwedd

← Stori flaenorol

Cymru

Llety sy’n rhannu cyfleusterau’n cael agor eto i bobol o’r un aelwyd yng Nghymru

Atyniadau hamdden yn cael agor os oes modd cadw at gyfyngiadau’r feirws, tra bydd sinemâu, amgueddfeydd, archifdai ac orielau’n cael agor ddydd Llun

Stori nesaf →

Archif

Pennaeth uned fomiau’n ymddiswyddo

Cyrnol yn rhoi’r bai ar brinder milwyr ac yn poeni am effaith seicolegol y gwaith

Hefyd →

Archif

Dream Alliance yn ôl yng Nghas-gwent

Fe fydd enillydd diwethaf Grand National Cymru yn dychwelyd i faes ei gamp enwog fory i geisio ail-adrodd hanes.

Mae’r trefnwyr yn hyderus y bydd ras fwya’ Cymru yn mynd yn ei blaen ar yr ail gynnig, er gwaetha’ ychydig ofnau am y tywydd y bore yma.

Fe ennillodd Dream Alliance Grand National Cymru yn 2009 lai na dwy flynedd ar ôl dod yn agos at gael ei roi i lawr.

Torri tennyn

Fe dorrodd dennyn yn y Grand National yn Aintree yn 2008 a dim ond triniaeth bôn gelloedd a lwyddodd i’w achub.

Ond roedd criw o 23 o bobol leol yng Nghefn Fforest ger y Coed Duon, sy’n berchnogion ar Dream Alliance, wedi talu £20,000 am lawdriniaeth flaengar i achub ei yrfa.

Er iddo ennill yng Nghas-gwent yn 2009 mae’r ceffyl wedi cael trafferth cynnal ei lwyddiant ac mae wedi methu â gorffen ei dair ras ddiweddaraf.

Bwcis

Mae ei berfformiadau diweddar yn cael eu hadlewyrchu yn ei bris betio gyda nifer o’r bwcis yn ei osod ar 14/1.

Bu’n rhaid gohirio Grand National Cymru 2010 o’r dyddiad gwreiddiol ar 27 Rhagfyr oherwydd y tywydd gaeafol.

Fe fydd Personoliaeth Chwaraeon y Flwyddyn y BBC, Tony McCoy, yn cystadlu ar gefn y ffefryn Synchronised.

Llun: Y ffefryn – A.P. ‘Tony’ McCoy (pbase CCA 3.0)

Dihangfa wyrthiol i ddau mewn car

Dim ond mân anafiadau ar ôl disgyn bron 300 troedfedd

Poblogaidd

← Stori flaenorol

Stori nesaf →

Hefyd →