Mae dyn wedi ei gyhuddo o geisio llofruddio dynes gafodd ei thrywanu wrth gerdded yn y Fenni, Sir Fynwy.
Cafodd dyn 39 oed o Gasnewydd ei arestio yn dilyn yr ymosodiad dydd Iau. Dioddefodd y ddynes 58 oed glwyfau trywanu i’w chorff ac fe fu’n rhaid mynd a hi i Ysbyty Nevill Hall, y Fenni.
Fe fydd y dyn yn ymddangos o flaen Llys Ynadon Casnewydd wedi’i gyhuddo o geisio llofruddio a meddu ar arf.
