Mae papur newydd ym Manceinion yn awgrymu y gallai capten Cymru Craig Bellamy ymuno â Chaerdydd – os bydd y rheiny’n cyrraedd yr Uwch Gynghrair.
Yn ôl y Manchester Evening News, mae llawer o chwaraewyr yn debyg o adael Manchester City yn ystod yr haf.
Mae’r papur yn darogan y bydd Spurs yn ceisio prynu Bellamy ac y bydd Caerdydd hefyd yn mynd amdano os byddan nhw’n cael dyrchafiad.
Er bod rheolwr Man City, Roberto Mancini, yn mynnu nad oes unrhyw gweryl rhyngddo ef a’r Cymro, mae’r sïon yn parhau fod eu perthynas yn anesmwyth.
Mae Bellamy newydd gael ei ddewis eto i chwarae tros Gymru yn eu gêm gyfeillgar yn erbyn Croatia.
