Y Seintiau Newydd yn bachu Cwpan y Gynghrair

Mae’r Seintiau Newydd wedi cwblhau’r dwbl ar ôl dal gafael ar Gwpan Cynghrair Loosemores gyda buddugoliaeth 3-1 yn erbyn y Rhyl.

Dyma’r gwpan ar gyfer clybiau Uwch Gynghrair Cymru yn unig.

Fe sgoriodd Chris Seargeant dwy gôl a Jamie Wood un i sicrhau ail lwyddiant mewn llai nag wythnos ar ôl ennill Uwch Gynghrair Cymru dydd Sadwrn diwethaf.

Roedd y Seintiau Newydd yn wedi mynd 2-0 ar y blaen cyn hanner amser ac roedd cyfle i sicrhau’r fuddugoliaeth yn gynnar yn yr ail hanner ar ôl cael cic gosb.

Ond fe fethodd Craig Williams a sgorio ac fe gafodd y Rhyl eu hysgogi gan hynny. Yn fuan wedyn fe sgorioddd Rob Turner o groesiad Chris Williams i haneru mantais y pencampwyr.

Ond roedd amddiffyn y Seintiau Newydd wedi dal yn gadarn wrth i’r Rhyl geisio unioni’r sgôr.

Gydag ychydig llai ‘na chwarter awr o’r gêm yn weddill fe sgoriodd Seargent ei ail gôl a sicrhau’r fuddugoliaeth.

Poblogaidd

Swyddi

Tinopolis

Asesydd Allanol – Iechyd a Gofal Cymdeithasol CC (Cymraeg yn Ddymunol)

Prifysgol Bangor

← Stori flaenorol

Criced

Cael a chael i Forgannwg yng Nghaerdydd

Y gêm yn erbyn Swydd Gaerloyw yn Nhlws Bob Willis yn y fantol ar ddiwedd y trydydd diwrnod

Stori nesaf →

Archif

Dim diddordeb gan West Ham yn Dave Jones

Y clwb o Llundain sicrhau eu lle yn yr Uwch Gynghrair y tymor nesaf

Hefyd →

Archif

Dream Alliance yn ôl yng Nghas-gwent

Fe fydd enillydd diwethaf Grand National Cymru yn dychwelyd i faes ei gamp enwog fory i geisio ail-adrodd hanes.

Mae’r trefnwyr yn hyderus y bydd ras fwya’ Cymru yn mynd yn ei blaen ar yr ail gynnig, er gwaetha’ ychydig ofnau am y tywydd y bore yma.

Fe ennillodd Dream Alliance Grand National Cymru yn 2009 lai na dwy flynedd ar ôl dod yn agos at gael ei roi i lawr.

Torri tennyn

Fe dorrodd dennyn yn y Grand National yn Aintree yn 2008 a dim ond triniaeth bôn gelloedd a lwyddodd i’w achub.

Ond roedd criw o 23 o bobol leol yng Nghefn Fforest ger y Coed Duon, sy’n berchnogion ar Dream Alliance, wedi talu £20,000 am lawdriniaeth flaengar i achub ei yrfa.

Er iddo ennill yng Nghas-gwent yn 2009 mae’r ceffyl wedi cael trafferth cynnal ei lwyddiant ac mae wedi methu â gorffen ei dair ras ddiweddaraf.

Bwcis

Mae ei berfformiadau diweddar yn cael eu hadlewyrchu yn ei bris betio gyda nifer o’r bwcis yn ei osod ar 14/1.

Bu’n rhaid gohirio Grand National Cymru 2010 o’r dyddiad gwreiddiol ar 27 Rhagfyr oherwydd y tywydd gaeafol.

Fe fydd Personoliaeth Chwaraeon y Flwyddyn y BBC, Tony McCoy, yn cystadlu ar gefn y ffefryn Synchronised.

Llun: Y ffefryn – A.P. ‘Tony’ McCoy (pbase CCA 3.0)

Y Seintiau Newydd yn bachu Cwpan y Gynghrair

Cwblhau’r dwbl ar ôl ennill Uwch Gynghrair Cymru dydd Sadwrn

Poblogaidd

Swyddi

Ymchwilydd

Hwylusydd Prosiect

Asesydd Allanol – Iechyd a Gofal Cymdeithasol CC (Cymraeg yn Ddymunol)

Is-ddatblygwr Meddalwedd