Mae dyn wedi marw mewn tŷ teras a aeth ar dân yn Abertawe.
Cafodd tair injan dân eu hanfon i dŷ yn ardal Port Tennant o’r ddinas y bore yma ar ôl derbyn galwad am 7 o’r gloch gan gymdogion a oedd wedi gweld mwg.
Cafodd dyn ei achub o’r tŷ gan ddiffoddwyr tân ond roedd eisoes wedi marw.
Llwyddodd y criwiau i ddiffodd y tân, a oedd wedi ei gyfyngu i gegin y tŷ.
Mae’r heddlu a’r gwasanaeth tân wrthi’n cynnal ymchwiliad ar y cyd i achos y tân.
