Mae pedwar dyn wedi marw ar ôl i gar adael y ffordd a tharo mewn i goeden yn ne Cymru.
Mae dyn arall wedi dioddef anafiadau difrifol yn dilyn y ddamwain ar ffordd A4229 rhwng Clwb Golff y Grove a Phorthcawl ychydig cyn hanner nos neithiwr.
Roedd y pum dyn yn dod o Hampshire.
Mae’r heddlu’n credu bod gyrrwr y Vauxhall Vectra lliw arian wedi colli rheolaeth cyn mynd oddi ar y ffordd a tharo coeden.
Mae Heddlu De Cymru yn apelio am unrhyw dystion neu wybodaeth y gallai helpu’r ymchwiliad i gysylltu â hwy ar 02920 633 438 neu 101.
