Gwlad Belg 2 Cymru 3
Fe lwyddodd tîm merched Cymru i droi’r drol ar Wlad Belg trwy ennill o 3-2 ym munudau ola’u gêm ym Mrwsel.
Dwy yr un oedd hi wrth i’r ddau dîm fynd i amser tros ben, pan ddaeth yr amddiffynnwr Emma Jones (de yn y llun) ymlaen i sgorio’r gôl fuddugol.
Roedd hynny’n talu’r pwyth i’r Belgiaid ar ôl iddyn nhw ennill yn y munudau ola’ yn Hwlffordd ynghynt yn ystod yr ymgyrch am le yn rowndiau terfynol Pencampwriaeth Ewrop.
Fe fydd Cymru’n ceisio ychwanegu at y fuddugoliaeth wrth gwrdd â Sweden ar gael Airbus nos Fercher.
Roedd Cymru 2-0 ar y blaen ar yr hanner ar ôl gôl gan Loren Dykes (chwith) a chic o’r smotyn gan Kate Daley.
