Abertawe 0 – 0 Ipsiwch
Mae’r Elyrch yn hen lawiau ar sicrhau gemau cyfartal a dyna oedd y canlyniad eto heddiw wrth iddyn nhw wynebu Ipsiwch yn y Stadiwm Liberty.
Ond fe fydd Abertawe yn hapus na wnaethon nhw adael unrhyw goliau heibio ar ôl cael eu chwalu 5-1 yn erbyn Blackpool oddi cartref ar Bloomfield Road dydd Mawrth.
Bu bron i Abertawe sgorio yn gynnar wrth i Nathan Dyer daro’r postyn ar ôl derbyn y bel gan Cedric van der Gun.
Cafodd Shefki Kuqi hefyd gyfle i sgorio yn erbyn ei gyn glwb gyda munud i fynd ond fe wnaeth o benio’r bel heibio ochor y gôl.
Roedd cyfleoedd i Mark Gower a Grand Leadbitter rwydio’r bêl hefyd ond gorffennodd gem digon diflas yn ddi-sgôr, gyda Ipsiwch yn haeddu eu pwynt.
