Crystal Palace 1 – 2 Caerdydd
Sicrhaodd Caerdydd fuddugoliaeth oddi cartref yn Selhurst Park sy’n eu symud nhw gam yn agosach at le yn y gemau ail gyfle.
Sgoriodd Gabor Gyepes ei gôl gyntaf y tymor yma ar ôl pedair munud, o groesiad Peter Wittingham.
Fe wnaeth Crystal Palace daro’n ôl toc ar ôl hanner amser wrth i Clint Hill benio’r gôl i gefn y rhwyd, wedi iddo daro’r croesfar yn yr hanner cyntaf.
Sgoriodd Chris Burke ei 10fed gôl y tymor yma ar ôl 67 munud er mwyn sicrhau buddugoliaeth oddi cartref pwysig ar gyfer ei glwb.
Dyma drydedd fuddugoliaeth Caerdydd mewn pedair gêm ac mae’n sicrhau fod wyth pwynt rhyngddyn nhw a cholli eu lle yn y gemau ail gyfle.
Dyw Crystal Palace heb ennill yr un gêm yn y chwech diwethaf sy’n golygu eu bod nhw’n gorwedd yn y 22ain safle ac yn wynebu colli eu lle yn y Bencampwriaeth.
