Fe fydd y cwest yn cael ei gynnal heddiw i farwolaeth y bachgen bach o Fethlehem a fu farw cyn y Nadolig.
Fe gafodd Dafydd Bowen, 6 oed, ei ladd mewn damwain tractor ar fferm y teulu yn y pentre’ ger Llandeilo.
Fe ddigwyddodd y trychineb ddeuddydd cyn y Nadolig ar fferm Pengoilan. Fe gyhoeddodd yr heddlu ar unwaith nad oedd unrhyw amgylchiadau amheus ac fe fu’r Gweithgor Iechyd a Diogelwch yn ymchwilio.
Yn ôl pobol leol ar y pryd, roedd y gymdogaeth gyfan wedi closio at ei gilydd i gefnogi’r teulu.
Roedd pobol yr ardal yn paratoi i wylio’r rhaglen deledu Seren Bethlehem – roedd Dafydd yng nghôr yr ysgol gynradd ac roedd rhan helaeth o’r gymuned wedi cymryd rhan.
Fe fydd y cwest yn cael ei gynnal y bore yma yn Llandeilo.
