Cafodd pedwar o blismyn eu saethu’n farw mewn tŷ coffi yn nhalaith Washington yng ngorllewin America heddiw.
Dywedodd llefarydd ar rhan Siryf y Sir yn nhref Tacoma fod y plismyn yn eistedd yn y caffi’n gweithio ar eu cyfrifiaduron pan gerddodd un neu ddau ddyn arfog i mewn y bore yma.
Dywedodd fod yr heddlu’n credu bod y plismyn wedi cael eu targedu, ac nad lladrad ydoedd.
Llun: Heddlu’r tu allan i gaffi’r Forza Coffee Co. ger Parkland, Washington, ar ôl y saethu heddiw (AP Photo/The News Tribune)
