Fe fyddai’n well i’r wlad ddod tros yr argyfwng economaidd yn raddol yn hytrach na chyflym, meddai pennaeth un o’r banciau oedd yng nghanol yr helynt.
Fel arall, roedd peryg y byddai’r economi’n dilyn esiampl Japan yn yr 1990au, pan gafodd “ddegawd coll”, meddai Stephen Hester, Prif Weithredwr y Royal Bank of Scotland.
Fe allai adferiad rhy gyflym barhau gydag economi “ansefydlog” a’r posibilrwyd do ddirwasgiad arall.
Mewn cyfweliad â’r BBC dywedodd y Prif Weithredwr yr hoffai weld pobol gwledydd Prydain yn “cynilo mwy a benthyg llai”, er mwyn i’r Llywodraeth gael amser i “reoli eu diffyg ariannol”.
Fe gafodd Stephen Hester swydd Prif Weithredwr RBS ym mis Tachwedd 2008.
Llun: Stephen Hester
