Mae Heddlu Dyfed Powys yn apelio am dystion ar ôl i ddyn 19 oed farw mewn damwain ffordd yn gynt yr wythnos hon
Digwyddodd y ddamwain ddiwedd prynhawn dydd Mawrth ar yr A487, i’r de o Aberystwyth, ym Mhen Cwm Mawr ger Blaenplwyf.
Mae’r heddlu’n arbennig o awyddus i glywed gan yrrwr fan wen oedd yn teithio ar y ffordd tua’r gogledd gan fod posibilrwydd ei fod wedi gweld y ddamwain.
Fe gafodd y dyn lleol, 19 oed, ei ladd pan fu Renault Clio mewn gwrthdrawiad â lorri. Roedd ef yn deithiwr yn sedd flaen y car.
Dylai unrhyw un sydd â gwybodaeth gysylltu â Heddlu Dyfed Powys ar 101.
Llun: Roedd yr ambiwlans awyr wedi ei galw ac fe fu;r ffordd ar gau am oriau.
