Mae Monty Panesar wedi cael ei adael allan o garfan Lloegr i wynebu Awstralia yn y trydydd prawf sy’n cychwyn yn Edgbaston yfory.
Roedd sïon bod Lloegr am chwarae dau droellwr, ond mae’n debyg bod y tywydd gwlyb wedi newid y cynlluniau hynny.
Bydd Panesar yn dychwelyd i chwarae i Swydd Northampton yng nghystadleuaeth yr 20 pelawd.
Pryderon ffitrwydd
Roedd ’na bryderon ynglŷn â ffitrwydd Andrew Flintoff, Ian Bell a Graham Onions. Ond mae capten Lloegr, Andrew Strauss, wedi cadarnhau fod y tri chwaraewr ar gael.
Mae Strauss yn credu bod y ffaith fod nifer o chwaraewyr dylanwadol a dawnus Awstralia wedi ymddeol dros y blynyddoedd diwethaf wedi cael effaith arnyn nhw.
Dywedodd y capten bod Awstralia wedi colli eu “awra”.
Ond mae capten Awstralia, Ricky Ponting, wedi dweud ei fod e’ a’i dîm am gymryd mantais o absenoldeb Kevin Pietersen o garfan Lloegr a tharo nôl.
