Mae lloeren wedi cyrraedd y gofod o dir De Corea am y tro cyntaf erioed.
Daeth y cyhoeddiad wythnosau’n unig wedi i loeren lanio yn y gofod o dir Gogledd Corea.
Mae De Corea wedi ceisio anfon lloeren i’r gofod nifer o weithiau yn ystod y blynyddoedd diwethaf, ond wedi methu bob tro oherwydd trafferthion technegol.
Mae yna gryn dipyn o dyndra o hyd rhwng y ddwy wlad, wrth i Ogledd Corea fygwth tanio dyfais niwclear unwaith eto.
Cafodd y lloeren ei lansio o bentref Goheung ar arfordir gorllewinol y wlad.
Mae disgwyl i’r lansiad diweddaraf osod De Corea ymhlith y gwledydd mwyaf dylanwadol yn y byd o ran technoleg.
Mae yna bryderon y gallai Gogledd Corea ddatblygu rhaglen ar gyfer cynhyrchu arfau niwclear.
Mae De Corea yn dweud y bydd y lansiad diweddaraf hwn yn eu helpu i ddatblygu dulliau mwy soffistigedig o anfon lloeren i’r gofod yn y dyfodol.
Ond mae’r Unol Daleithiau wedi rhybuddio y gallai’r ymgais fod yn dwyll, ac y gallai De Corea ddefnyddio’r ymgais i ymarfer ar gyfer lansio taflegrau yn y dyfodol.
