Mae arlywydd Brasil, Jair Bolsonaro, wedi’i gludo i’r ysbyty wedi iddo gwumpo a tharo’i ben yn ei gartref swyddogol.
Mae wedi’i gludo i ysbyty filwrol ym mhrifddinas y wlad, Brasilia, neithiwr (nos Lun, Rhagfyr 23) ac wedi cael profion ar ei benglog. Does yna ddim achos i boeni ar hyn o bryd, meddai llefarydd ar ei ran.
Fe fydd yr arlywydd yn aros yn yr ysbyty am 12 awr, dim ond i wneud yn siwr, meddai’r llefarydd wedyn.
Dyw’r datganiad swyddogol yn dweud dim mwy na bod y gwleidydd wedi llithro yn yr ystafell molchi a tharo’i ben.
Yn gynharach y mis hwn, roedd Jair Bolsonaro yn cwyno ei fod yn teimlo blinder llethol.
