Mae dau o filwyr Nato wedi marw yn Afghanistan ar ôl cael eu saethu gan warchodwr arfog a oedd yn gweithio i lywodraeth y wlad.
Roedd y milwyr yn teithio gyda chonfoi i dalaith yng ngogledd y wlad pan ddigwyddodd yr ymosodiad yn nhalaith Panjshir, tua 62 milltir i’r gogledd o’r brifddinas Kabul.
Dywedodd yr heddlu fod y dyn a’u saethodd yn warchodwr a oedd yn gweithio i un o brif swyddogion gwasanaethau cudd y wlad. Roedd wedi stopio’r confoi, ac wedi tanio at y milwyr ar ôl dadl.
Roedd un o filwyr eraill Nato wedi tanio’n ôl a lladd y saethwr.
Dywedodd llefarydd ar ran Nato eu bod yn ymchwilio i’r digwyddiad.