Barack Obama
Fe fydd yr Unol Daleithiau’n defnyddio awyrennau di-beilot yn erbyn lluoedd y Cyrnol Gaddafi yn Libya.
Fe wnaed y penderfyniad ddoe gan yr Arlywydd Barack Obama – fe fydd yr awyrennau Predator yn cario taflegrau ac maen nhw eisoes yn cael eu defnyddio ym Mhacistan.
Yn ôl yr Unol Daleithiau, fe fydd y taflegrau’n fwy cywir nag awyrennau ac yn caniatáu iddyn nhw amddiffyn rhagor o bobol gyffredin.
Ond, yn ôl llefarydd ar ran llywodraeth Libya, maen nhw’n debyg o ladd rhagor o bobol ddiniwed.
Llong yn cyrraedd o Misrata
Y n y cyfamser, mae llong wedi cyrraedd dinas Benghazi o dref Misrata lle mae lluoedd Gaddafi’n parhau i ymosodo.
Mae cannoedd o bobol ar ei bwrdd gan gynnwys rhai sydd wedi eu brifo yn yr ymladd.
Ac mae’r Seneddwr John McCain ar ei ffordd o’r Unol Daleithiau i Libya i gwrdd â’r gwrthryfelwyr.
Mae’r cyn ymgeisydd am arlywyddiaeth America’n un o gefnogwyr amlwg yr ymyrraeth yno.