Ailethol Oriol Junqueras yn Llywydd plaid Esquerra Republicana

Mae Oriol Junqueras wedi’i ailethol yn Llywydd plaid Esquerra Republicana Catalan, gan ennill 52 o’r bleidlais.

Fe wnaeth yr ymgeisydd, oedd wedi sefyll o dan yr enw Militància Decidim (Yr Aelodau sy’n Penderfynu), guro Xavier Godàs o blaid Nova Esquerra Nacional (Y Chwith Genedlaethol Newydd), oedd wedi ennill 42% o’r bleidlais.

Fe wnaeth 82% o’r rhai oedd yn gymwys fwrw eu pleidlais yn yr ail rownd, gydag 81% wedi pleidleisio yn y rownd gyntaf, gan dorri record.

Fe fu Oriol Junqueras yn Llywydd ar ei blaid ers 13 o flynyddoedd bellach, gan gynnwys pedair blynedd dan glo am ei ran yn yr ymgyrch dros annibyniaeth i Gatalwnia.

Fe wnaeth e gamu o’r neilltu am gyfnod byr ym mis Mehefin ar ôl canlyniadau siomedig ei blaid yn etholiadau Catalwnia ac Ewrop.

Ysgrifennydd Cyffredinol newydd y blaid yw Elisenda Alamany, sy’n olynu Marta Rovira yn ail swydd fwya’r blaid.

Ar ôl ei ailethol, mae Oriol Junqueras yn galw am undod o fewn ei blaid yn dilyn honiadau bod y blaid wedi’i hollti.