Mae gwleidydd Americanaidd, sy’n berchen ar fwyty sy’n seiliedig ar y thema dryllau, eisiau dod â’i dryll i’r Gyngres, ac mae e eisoes wedi holi’r heddlu ynghylch gwneud hynny.
Ac mae’n debyg nad hi yw’r unig un.
Mae hyn yn cael ei ganiatáu i wleidyddion, gyda rhai cyfyngiadau, o dan reoliadau degawdau oed.
Cafodd Lauren Boebert, 33, ei hethol y mis hwn yn ardal geidwadol gorllewin Colorado ar ôl ennyn cryn sylw fel ymgyrchydd gynnau.
Dywedodd ei hymgynghorwyr na fydd hi “fyth yn plygu i’r sefydliad yn y Gyngres”, ond nad oedd hi ar gael ar gyfer cyfweliad.
“Roedd hon yn drafodaeth ac yn ymchwiliad preifat ynglŷn â beth yw’r rheolau ac o ganlyniad, fydd hi ddim ar gael ar gyfer cyfweliadau,” meddai e-bost yr wythnos diwethaf.
Wnaeth llefarydd ar ran yr Heddlu ddim ymateb i gwestiwn gohebydd ynghylch trafodaethau rhwng yr adran a Lauren Boebert a’r nifer o wleidyddion sy’n cario arfau.
A wnaeth swyddogion yr asiantaeth ddim ateb yn uniongyrchol pan ofynnodd y Democratiaid ar Bwyllgor Gweinyddiaeth y Tŷ yn 2018 sawl gwleidydd oedd yn cario arfau.
Dywedodd y swyddogion mewn ymateb ysgrifenedig eu bod wedi “cael gwybod” am ymholiadau am gario arfau.
“Nid oes gofyniad sefydlog” fod gwleidyddion yn eu hysbysu pan fyddan nhw’n cario arfau, ysgrifennodd y swyddogion.
Aeth yr ymateb yn ei flaen i ddweud mai’r “aelod sy’n gyfrifol am y cyfrifoldeb hwnnw”.
