Mae milwyr Israel, gyda chefnogaeth tanciau ac awyrennau rhyfel, yn gwasgu’n dynnach ar wrthryfelwyr Palesteinaidd yn Ninas Gaza.
Mae’r ymladd diweddara’ wedi lladd degau o Balesteiniaid, ac wedi gorfodi miloedd o bobol i adael eu cartrefi.
Mae’r awdurdodau wedi cadarnhau fod 50 o bobol wedi cael eu lladd gan ymosodiadau o’r awyr heddiw. Maen nhw hefyd yn dweud fod 35,000 o bobol wedi gadael eu cartrefi heddiw.
Dros y pythefnos diwetha’, mae’r ymgyrch gan Israel wedi lladd cyfanswm o dros 400 o Balesteiniaid, a saith o Israeliaid.
