Nicolas Sarkozy
Mae cyn Arlywydd Ffrainc, Nicolas Sarkozy, wedi cael ei gadw yn y ddalfa ac yn cael ei holi ynglŷn â honiadau o lygredd.
Dywedodd swyddog barnwrol Ffrainc heddiw fod Nicolas Sarkozy yn cael ei gadw yn y ddalfa yn Nanterre, ger Paris.
Yn ôl adroddiadau yn y cyfryngau yn Ffrainc mae Sarkozy cael ei holi fel rhan o ymchwiliad i’r modd y cafodd ei ymgyrch arlywyddol ei ariannu yn 2007.
Canolbwynt yr achos yw os oedd ynad yn rhoi gwybodaeth fewnol i Nicolas Sarkozy a’i gyfreithiwr am yr ymchwiliad.
Mae’r ddau yn gwadu’r cyhuddiadau yn eu herbyn.
Mae cyfreithiwr Nicolas Sarkozy, Thierry Herzog, hefyd yn cael ei gadw yn y ddalfa yn ôl adroddiadau yn Ffrainc.
Mae ymchwilwyr yn seilio’r amheuon yn rhannol ar sgyrsiau ffôn gafodd eu recordio.
Roedd Nicolas Sarkozy yn ystyried dychwelyd i wleidyddiaeth ar ôl colli’r etholiadau Arlywyddol yn erbyn Francois Hollande yn 2012.
