Mae pump o bobol wedi marw a 38 arall wedi eu hanafu ar ôl i gar yrru trwy dorf o flaen Y Ddinas Waharddedig yn Beijing, China.
Fe fu farw’r tri o bobol oedd yn y car, ynghyd â dau ymwelwr yn Sgwâr Tian’anmen, wedi i’r car foelyd a mynd ar dân.
Fe gafodd delweddau o’r digwyddiad eu gosod ar y we, yn dangos mwg yn dod o’r car a phobol oedd wedi eu hanafu yn gorwedd ar y llawr.
Cafodd y delweddau hyn eu dileu o’r rhyngrwyd gan yr awdurdodau yn ddiweddarach.
