Mae tri o bobl wedi cael eu saethu’n farw gan ddyn arfog yn Awstria.
Cafodd dau heddwas a gyrrwr cerbyd achub eu lladd yn yr ymosodiad cyn i’r dyn gau ei hun mewn adeilad fferm.
Digwyddodd yr ymosodiad dros nos yn Annaberg, tua 70 milltir o Vienna, a chafodd heddlu arfog eu galw.
Mae’r heddlu wedi dweud nad ydyn nhw’n gwybod enw’r dyn na’r rheswm y tu ol i’r ymosodiad hyd yn hyn. Does dim cadarnhad chwaith os yw’n cadw unrhyw un yn wystlon.
