Alpe d'huez
Mae Prydeiniwr ymhlith tri o bobol sydd wedi cael eu lladd ar ôl i fws wyro oddi ar y ffordd yn Alpau Ffrainc.
Roedd y bws yn cludo teithwyr adref o’u gwyliau yng ngwersyll sgïo Alpe d’Huez tua 2pm.
Bu’n teithio ar ffordd fynyddig serth sy’n cynnwys 21 o droeon peryglus.
Yn ôl yr adroddiadau, roedd brêcs y bws wedi methu cyn i’r cerbyd wyro oddi ar y ffordd a chwympo dros ddibyn clogwyn.
Cadarnhaodd llefarydd ar ran Heddlu Grenoble fod o leiaf un Prydeiniwr wedi marw.
Ychwanegodd nad ydyn nhw’n gwybod eto sut y digwyddodd y ddamwain.
Dywedodd llefarydd ar ran Swyddfa Dramor Prydain eu bod nhw’n cydweithio gyda’r awdurdodau lleol.
Does dim sicrwydd eto a oedd y criw yn teithio gyda chwmni gwyliau tramor.