Ucheldiroedd yr Alban
Mae achubwyr mynydd wrthi’n chwilio am dri o bobl ar goll wedi i bump o ddringwyr gael eu dal mewn llithriad eira yn Glencoe yn Ucheldiroedd yr Alban.
Cafodd heddlu gogledd yr Alban a thimau achub mynydd eu galw i’r argyfwng ar Bidean Nam Bain tua 2 o’r gloch y prynhawn yma.
Aed ag un ddynes, y credir ei bod hi wedi ei hanafu’n ddifrifol, i Ysbyty Belford yn Fort Williams, a chafwyd hyd i ddringwr arall, dyn, yn ddiogel ac iach.
Mae tîm achub mynydd Glencoe yn dal i chwilio am y tri arall, gyda chymorth tîm achubwyr mynydd Lochaber a chŵn chwilio ac achub yr heddlu.
