Mae 16 o bobl oedd ar fwrdd hofrennydd, a laniodd ym Môr y Gogledd, yn ddiogel.
Roedd timau achub wedi cael eu galw toc wedi hanner dydd ar ôl i’r hofrennydd fynd i drafferthion tua 25 oddiar arfordir Aberdeen.
Roedd 14 o deithwyr ar yr hofrennydd a dau aelod o’r criw.
Dywedodd llefarydd ar ran y cwmni sy’n cynnal yr hofrennydd, Bond Offshire, fod pawb yn ddiogel ac wedi llwyddo i fynd i rafft achub.
Mae’n debyg bod golau wedi fflachio yn yr hofrenydd i rybuddio am bwysau olew isel ac fe benderfynodd y peilot lanio’r hofrennydd yn y môr.
Roedd yr hofrennydd ar ei ffordd i lwyfan olew Maersk Resilient pan aeth i drafferthion.
