Ad-drefnu tîm mainc flaen yr SNP yn San Steffan

Mae’r SNP wedi cyhoeddi newidiadau i’w tîm mainc flaen yn San Steffan, gan addo tîm “cryf ac unedig” ar gyfer yr Alban.

Alyn Smith, y cyn-Aelod Seneddol Ewropeaidd, yw llefarydd tramor newydd y blaid, tra bod Mhairi Black wedi’i phenodi’n llefarydd yr Alban.

Alison Thewliss yw’r llefarydd cyllid, Phillipa Whitford yn llefarydd Brexit ac Anne McLaughlin yn llefarydd menywod a chydraddoldeb.

David Linden fydd â chyfrioldeb am dai, cymunedai a llywodraeth leol, tra bydd Kirsten Oswald yn gyfrifol am faterion yn ymwneud â Gogledd Iwerddon a Chymru.

Kirsty Blackman fydd yn arwain y gwaith o baratoi’r cyfansoddiad ar gyfer ail refferendwm annibyniaeth.

“Bydd tîm newydd yr SNP yn San Steffan yn wrthblaid gref ac unedig, a fydd yn sefyll lan dros yr Alban yn wynebu bygythiadau cynyddol Brexit a llywodraeth Dorïaidd eithafol,” meddai Ian Blackford.

“Rwy wrth fy modd o gael croesawu wynebau newydd ac arbenigwyr i dîm mainc flaen yr SNP.”