The Stone Roses
Y tocynnau ar gyfer tri gig y Stone Roses ym Manceinion y flwyddyn nesaf sydd wedi gwerthu gyflymaf yn hanes roc a rôl, yn ôl safle tiwtter y band.
Gwerthwyd 220,000 o docynnau y bore yma mewn awr ag wyth munud
Roedd y grŵp indi roc wedi cyhoeddi ddydd Mawrth eu bod yn ail-ffurfio, gyda pherfformiadau byw a chaneuon newydd ar y gweill.
Fe chwalodd y grŵp yn 1996 ac roedd yr aelodau wedi wfftio awgrymiadau y byddan nhw’n dod yn ôl at ei gilydd.
Ond yna’r wythnos hon daeth y cyhoeddiad y grŵp yn chwarae yn Heaton Park ym Manceinion flwyddyn nesaf, gyda dyddiadau eraill mewn mannau ar hyd a lled y byd.
Dywedodd y gitarydd John Squire ei fod o a’r canwr Ian Brown wedi cwrdd yn angladd mam y basydd Gary “Mani” Mounfield, a bod hynny wedi “newid popeth”.
Dywedodd Ian Brown, a fu unwaith yn byw yn Llithfaen ger Pwllheli, mai bwriad y grŵp oedd “herio’r byd.”
Ar ôl clywed y newyddion am yr aduniad dywedodd Liam Gallagher ar Twitter nad oedd wedi bod mor hapus ers i’w blant gael eu geni.
