Mae estyniad Brexit arall yn bosib, meddai Donald Tusk

Mae Donald Tusk wedi dweud wrth Aelodau Seneddol fod cael estyniad arall ar Brexit yn bosib.

Daw hyn cyn dwy bleidlais hanfodol heddiw (Hydref 22), a fydd yn penderfynu p’un ai fydd Boris Johnson yn gallu mynd â’r Deyrnas Unedig allan o’r Undeb Ewropeaidd ar Hydref 31.

Roedd arlywydd Ffrainc, Emmanuel Macron, ynghyd â phennaeth yr Undeb Ewropeaidd, Jean-Claude Juncker, wedi rhoi pwysau ar Aelodau Seneddol gan honni na fydd yna estyniad arall.

Ond yn ôl Llywydd y Cyngor Ewropeaidd, Donald Tusk, fe ddylai arweinwyr yr Undeb Ewropeaidd ganiatáu estyniad arall.

“Dylem fod yn barod am bob posibilrwydd,” meddai, “ond mae’n rhaid i un peth fod yn glir – fel ddywedais i wrth y Prif Weinidog dydd Sadwrn, fydd Brexit heb gytundeb byth yn ddewis i ni.”