Dyn wedi’i anafu’n ddifrifol wrth i’w gar fynd dros ddibyn clogwyn

Mae dyn wedi cael ei anafu’n ddifrifol ar ôl i’w gar fynd dros ddibyn clogwyn yn Ne Tyneside.

Cafodd Heddlu Northumbria eu galw i ardal The Leas am oddeutu 7.30 fore heddiw (dydd Sul, Mehefin 23).

Daethon nhw o hyd i’r car ar waelod y clogwyn sy’n agos i linell derfyn ras y Great North Run yn South Shields.

Dim ond un person oedd yn y car, a does dim lle i gredu bod bywyd yr unigolyn mewn perygl.

Mae ymchwiliad ar y gweill.