Y cyn-Ysgrifennydd Tramor, Boris Johnson, sydd wedi cael y nifer mwyaf o bleidleisiau yn rownd gyntaf y ras i ddewis arweinydd newydd y blaid Geidwadol.
Fe gafodd y ffefryn i olynu Theresa May gyfanswm sylweddol o 114 o bleidleisiau, o gymharu â’r gefnogaeth a gafodd gweddill yr ymgeiswyr.
Yn yr ail safle mae Jeremy Hunt gyda 43 o bleidleisiau, tra bod Michael Gove yn y trydydd safle gyda 37.
Mae Mark Harper, Esther McVey ac Andrea Leadsom allan o’r gystadleuaeth wedi iddyn nhw fethu â chael digon o bleidleisiau.
Mae hynny’n golygu mai saith ymgeisydd fydd yn mynd ymlaen i’r ail rownd o bleidleisio, yn eu plith Sajid Javid, Dominic Raab a Matt Hancock.
Y canlyniadau
- Michael Gove – 37
- Matt Hancock – 20
- Mark Harper – 10
- Jeremy Hunt – 43
- Sajid Javid – 23
- Boris Johnson – 114
- Andrea Leadsom – 11
- Esther McVey – 9
- Dominic Raab – 27
- Rory Stewart – 19