Achos o ‘Glefyd y Gwartheg Gwallgof’ wedi’i gadarnhau yn yr Alban

Mae achos o’r clefyd BSE, sy’n effeithio ar wartheg, wedi cael ei gadarnhau ar fferm yn yr Alban.

Yn ôl swyddogion, mae rheoliadau bellach wedi cael eu gosod ar y fferm – sydd heb gael ei henwi – yn Swydd Aberdeen.

Mae ymchwiliad hefyd yn cael ei gynnal i darddiad y clefyd Bovine Spongiform Encephalpathy, sydd hefyd yn cael ei adnabod yn ‘Glefyd y Gwartheg Gwallgof’.

Daeth i’r amlwg bod anifail ar y fferm yn dioddef o’r clefyd yn ystod profion.

Cafodd miliynau o wartheg eu lladd yng ngwledydd Prydain yn ystod yr 1990au o ganlyniad i’r clefyd, gan achosi niwed mawr i’r diwydiant amaethyddol a chefn gwlad yn gyffedinol.