Mae sylfaenydd gwefan gymdeithasol Facebook wedi cael ei wahodd i roi tystiolaeth cyn y bydd ymchwiliad seneddol yn cael ei gynnal i newyddion ffug,ar ôl datguddiadau am ddata personol defnyddwyr a gedwir gan gwmni Prydeinig Cambridge Analytica (CA).
Roedd Damian Collins, cadeirydd yr ymchwiliad, wedi cyhuddo Mark Zuckerberg o roi “atebion camarweiniol i’r Pwyllgor” mewn gwrandawiad blaenorol a ofynnodd a oedd gwybodaeth wedi’i chymryd heb ganiatâd defnyddwyr.
“Mae’n amser clywed gan uwch weithredwr Facebook gyda’r awdurdod digonol i roi cyfrif cywir o’r methiant trychinebus hwn yn y broses,” ysgrifennodd Damian Collins mewn llythyr at Mark Zuckerberg.
“O ystyried eich ymrwymiad ar ddechrau’r Flwyddyn Newydd i ‘drwsio’ Facebook, rwy’n gobeithio mai chi fydd y cynrychiolydd hwn,” ychwanegodd.
