Mae’r cyflwynydd teledu Nick Knowles wedi lladd ar berfformiad y dyfarnwr o Gymru, Nigel Owens yn ystod gêm yr Alban yn erbyn Lloegr ym Murrayfield brynhawn ddoe.
Roedd sawl penderfyniad dadleuol yn ystod y gêm, wrth i’r Alban ennill o 25-13 i roi terfyn ar obeithion Lloegr o ennill y Gamp Lawn.
Ymhlith y feirniadaeth fwyaf llym roedd sylwadau gan y cyflwynydd teledu Nick Knowles.
Awgrymodd mewn un neges fod y dyfarnwr o Fynyddcerrig yn Sir Gâr “wedi ceisio dial am fuddugoliaeth Lloegr dros Gymru”.
So @Nigelrefowens single handedly trying to avenge the England defeat of Wales – let them play. Refs are not the stars of the show
— Nick Knowles (@MrNickKnowles) February 24, 2018
Mewn neges arall, fe ddywed y cyflwynydd fod y penderfyniad i wrthod cais i Loegr am drosedd yn y cymal blaenorol yn “warthus”, gan anelu cyhuddiad uniongyrchol at y dyfarnwr fod ei “ragfarn wrth-Loegr yn rhy amlwg”.
decision @Nigelrefowens to disallow the England intercept was a disgrace – no arm out, released when told. Your anti England bias 2 obvious
— Nick Knowles (@MrNickKnowles) February 24, 2018
Ac mewn neges arall, mae’n mynd mor bell ag awgrymu bod y dyfarnwr “wedi twyllo”.
@Nigelrefowens @JiffyRugby pic.twitter.com/9Bt07ItK4w
— SJS (@stooky31) February 25, 2018
Amddiffyn y dyfarnwr
Ond mae Nigel Owens wedi cael cefnogaeth o le annisgwyl – gan gyn-ganolwr Lloegr, Will Greenwood.
Wrth ymateb i’r sylwadau, dywedodd ei fod yn teimlo “embaras”, cyn ychwanegu bod “nifer o bethau i’w beio” am y canlyniad, ond “nid Nigel”.
Embarrassed by some of the comments made towards @Nigelrefowens – Watched game for second time – particular focus on key decisions… @EnglandRugby can have no complaints about @Scotlandteam win. Many things to blame – None of them Nigel.
— Will Greenwood (@WillGreenwood) February 24, 2018
