AnnMaguire (Llun:PA)
Fe fydd bachgen pymtheg oed yn ymddangos yn y llys heddiw wedi’i gyhuddo i ladd athrawes yn yr ystafell ddosbarth.
Bu farw Ann Maguire, oedd yn 61 oed, ar ôl iddi gael ei thrywanu yng Ngholeg Catholig Corpus Christi yn Halton Moor, Leeds ar 28 Ebrill.
Dyma’r achos cyntaf o athro’n cael ei lladd mewn ystafell ddosbarth ym Mhrydain ers trychineb Dunblane yn 1996.
Dathlu 40
Roedd Ann Maguire newydd ddathlu 40 mlynedd yn athrawes yn yr ysgol ac yn dechrau paratoi am ei hymddeoliad.
Does dim modd enwi’r bachgen pymtheg oed sydd wedi’i gyhuddo am resymau cyfreithiol.
Bydd y bachgen yn ymddangos dros linc fideo yn Llys y Goron Leeds heddiw i roi ple ac i drefnu dyddiad yr achos.
