Harman yn mynnu nad yw hi wedi gwneud dim o’i le

Harriet Harman
Mae Harriet Harman wedi mynnu nad yw hi wedi gwneud dim o’i le ar ôl iddi gael ei chysylltu ag ymgyrch hanesyddol yn ymwneud a hawliau pedoffiliaid.

Mae dirprwy arweinydd y Blaid Lafur yn honni bod ’na ymdrech i bardduo ei henw ar ôl i straeon am ei chysylltiad â’r ymgyrch gael eu cyhoeddi yn y Daily Mail.

Mae’r papur newydd wedi cyhoeddi cyfres o straeon ynglŷn â gwaith Harriet Harman a’i gwr, yr Aelod Seneddol Jack Dromey, pan oedden nhw’n swyddogion gyda Chyngor Cenedlaethol Hawliau Sifil (NCCL) yn y 1970au.

Ar raglen BBC2 Newsnight neithiwr fe wrthododd Harriet Harman ateb cwestiynau’n uniongyrchol am y penderfyniad o ganiatáu i’r grwp Paedophile Information Exchange (PIE) fod a chysylltiad â’r NCCL.