Mae pobol wedi bod yn ymateb yn chwyrn ar Twitter i neges gan Lywodraeth Cymru sy’n dathlu “rôl bwysig” y Gymraeg yn seremoni coroni Brenin Lloegr.
Daw hyn ar ôl i’r brenin newydd ofyn i’r cyfansoddwr Cymreig Paul Mealor i gyfansoddi darn yn arbennig yn y Gymraeg ar gyfer yr achlysur.
Bydd ‘Coronation Kyrie’ yn cael ei pherfformio gan Syr Bryn Terfel a Chôr Abaty Westminster, ac mae’r canwr eisoes wedi amddiffyn ei berfformiad yn y seremoni.
Oeddech chi'n gwybod, bydd yr iaith Gymraeg yn chwarae rôl bwysig yn seremoni'r Coroni 🏴
Gofynnodd y Brenin Charles i @PaulMealor gyfansoddi 'Coronoation Kyrie' yn y Gymraeg ar gyfer y ddefod yfory.
Bydd y darn yn cael ei ganu gan @Bryn_Terfel a Chôr Abaty Westminster. pic.twitter.com/najEHCGRwW
— Llywodraeth Cymru (@LlywodraethCym) May 5, 2023
“Rhag eich cywilydd,” oedd ymateb Nigel O Ceallacháin i’r neges ar dudalen Twitter Gymraeg y llywodraeth.
“Dic Siôn Dafydd” oedd ymateb David Jarvis, tra bod Dr Mel yn dweud nad yw “talu gwasanaeth gwefusau am ddileu cannoedd o flynyddoedd o ddarostyngiad”.
“Syr Bradwr Terfel,” meddai Radha Nair-Roberts.
