Mae Nicola Sturgeon wedi dweud bod “cwestiynau arwyddocaol” am ddychweliad Alex Salmond i wleidyddiaeth
Cadarnhaodd cyn arweinydd yr SNP y bydd yn sefyll dros Blaid Alba ar adran rhestr ranbarthol y gogledd ddwyrain yn etholiad Senedd yr Alban ym mis Mai.
Wrth lansio’r blaid newydd mewn digwyddiad ar-lein ddydd Gwener, dywedodd cyn arweinydd yr SNP: “Heddiw mae Alba yn codi baner yn y gwynt, gan blannu ein Saltire ar fynydd. Yn ystod yr wythnosau nesaf cawn weld faint fydd yn dod i’n cefnogi.
Daw’r lansiad wedi cyfnod cythryblus i’r SNP a Llywodraeth yr Alban, dan arweiniad olynydd Mr Salmond, Ms Sturgeon.
Trydarodd Ms Sturgeon, Prif Weinidog yr Alban: “Mae hwn yn adea difrifol, ac mae angen arweinyddiaeth ddifrifol ar y wlad.
“Am law cyson i’n llywio drwy argyfwng, llwyfan polisi beiddgar i roi hwb i adferiad a’r cyfle i ddewis annibyniaeth pan fydd yr argyfwng wedi mynd heibio, dewiswch #BothVotesSNP”
Priodoldeb
Dywedodd wrth Radio Clyde News: “Mae cwestiynau sylweddol am briodoldeb ei ddychwelyd i’r swyddfa gyhoeddus.”
These are serious times, and the country needs serious leadership. For a steady hand to steer us through crisis, a bold policy platform to kickstart recovery and the chance to choose independence when the crisis has passed, make it #BothVotesSNP https://t.co/93e948tAYa
— Nicola Sturgeon (@NicolaSturgeon) March 27, 2021
Dywedodd Mr Salmond y byddai ei blaid yn cynnal ymgyrch “gadarnhaol” ac anogodd bleidleiswyr i gefnogi’r SNP neu blaid arall o blaid annibyniaeth yn seddi’r etholaeth.
Dim ond mewn ymgais i roi hwb i niferoedd ar wahân yn Holyrood y bydd Plaid Alba yn sefyll ymgeiswyr yn y rhestrau rhanbarthol.
Dywedodd arweinydd Ceidwadwyr yr Alban Douglas Ross bod Alex Salmond yn “anaddas i ddal swydd”.
Dywedodd: “Dydw i ddim yn credu y dylai fod yn ceisio cael ei ethol i Senedd yr Alban, o ystyried yr ymddygiad y mae ef ei hun wedi’i gyfaddef, yr ymddygiad gwarthus yn erbyn menywod a fu’n gweithio gydag ef pan oedd yn brif weinidog yr Alban.
“Rwy’n credu bod hynny’n ei wneud yn anaddas i ddal swydd gyhoeddus eto.”
Dywedodd arweinydd Llafur yr Alban, Anas Sarwar, y dylid ymladd yr etholiad sydd i ddod ar sail mynd i’r afael â materion fel tlodi ac adferiad o coronafeirws.
Ychwanegodd: “Nid yw’r syniad bod ein gwleidyddiaeth yn canolbwyntio yn hytrach ar y seicodrama hwn gan yr SNP, yn cael ei gymryd drosodd gan egos mawr, yn gredadwy.”
