Mae ffermwr llaeth wedi ei sathru i farwolaeth gan darw tra’n profi gwartheg am TB yn Sir Gaerfyrddin.
Cafodd David Stephens, 55, ei ladd tra’n archwilio ei anifeiliaid yn Llandyfaelog ger Cydweli.
Aethpwyd â Mr Stephens i Ysbyty Treforys ond bu farw o anafiadau i’w frest.
Mae’r Gweithgor Iechyd a Dioglewch yn ymchwilio ar y cyd â Heddlu Dyfed Powys.
Mae profi am TB, sydd yn gorfod digwydd yn aml, yn rhoi ffermwyr Cymru mewn perygl pellach, er ei fod eisioes yn broffesiwn peryglus iawn. Nid yn unig bod yr anifeiliaid dan ‘stres’ ond y mwyaf y mae ffermwyr yn gorfod dod i gysylltiad uniongyrchol fel hyn â’u buchesi, y mwyaf yw’r risg. Mae polisi gwan y Llywodraeth felly yn rhoi bywydau ein ffermwyr mewn perygl. Ry’n ni’n meddwl am y teulu yn eu colled.
