Cafodd dau gi bach eu taflu o Land Rover oedd yn cael ei yrru ger Tonteg ym Mhontypridd am tua tri y p’nawn ar ddiwrnod ola’ 2012.
Daeth gyrrwr o hyd i’r ddau gi bach mewn sach ddu a oedd wedi taro ei gar a tholldi’i gynnwys ar y ffordd.
Mae’r RSPCA yn apelio am unrhyw un sydd efo gwybodaeth am yr hyn ddigwyddodd.
“Does dim esgus o gwbwl am gael gwared ar anifail byw yn y ffordd yma,” meddai Christine McNeil, un o arolygwyr yr RSPCA.
Daeargi wyth wythnos oed gyda sbotun du ar ei gynffon ydy’r ci bach sydd wedi goroesi.
