Ysbyty Tywysoges Cymru
Mae beiciwr modur 22 oed wedi marw ar ôl damwain ym mhentref Blaengarw yn Sir Penybont-ar-Ogwr.
Digwyddodd y gwrthdrawiad am 3.07 brynhawn ddoe ar Stryd Gwendoline.
Cafodd y dyn ei gludo i Ysbyty Tywysoges Cymru ym Mhenybont a bu farw o’i anafiadau.
Dywed yr heddlu ei fod yn ddyn lleol, ac nad ydyn nhw’n credu fod cerbyd arall yn rhan o’r ddamwain, ond maen nhw’n apelio am fwy o wybodaeth gan unrhyw dystion.
Maen nhw hefyd yn apelio ar i bobol leol a glywodd y beic modur traws gwlad cyn y digwyddiad i gysylltu â nhw ar 101, neu’n ddi-enw drwy ffonio Taclo’r Taclau ar 0800 555 111.
