Mae disgwyl i law trwm a gwyntoedd cryfion amharu ar ddathliadau Blwyddyn Newydd mewn sawl man yng Nghymru heno.
Mae Asiantaeth yr Amgylchedd wedi cyhoeddi pedwar rhybudd llifogydd ar gyfer Dyffryn Dyfi, Dyffryn Conwy, Dinbych y Pysgod a Dyffryn Dyfrdwy Isaf o Langollen i Gaer.
Maen nhw hefyd yn cadw llygad ar 32 o afonydd.
Ond mae disgwyl i’r tywydd wella rhywfaint yfory a bydd yn sychach, ond yn gymylog gyda rhywfaint o law mân.
